ကမ္ဘာရဲ့ အလယ် မြန်မာတို့ ရဲ့ ဂုဏ်ယူဖွယ်အလှများ(၁)

ကျွန်မတို့ ရဲ့ မြန်မာနိုင်ငံမှာ ကမ္ဘာနဲ့ ချီပြီး ရင်ဘောင်တန်းနိုင်တဲ့ စိတ်ဝင်စားစရာကောင်းတဲ့ လှပတဲ့ အဖိုးထိုက် တန်တဲ့ ယဉ်ကျေးမှုရှေးဟောင်းအမွေအနှစ်တွေ ၊ သဘာဝ အရင်းအမြစ်တွေ၊ သဘာဝအလှတရားတွေ အများအပြားရှိပါတယ်။ နည်းပညာ နဲ့  မီဒီယာ ထိုးဖောက်မှု အားနည်းတဲ့ အတွက် ရွှေမြန်မာပြည်ကြီး ရဲ့ စိတ်ဝင်စား လှပတဲ့ ရှေးဟောင်းအမွေအနှစ်တွေ သဘာဝဆန်းပြား မှု တွေကေ၀၀ါး တိမ်မြုပ်နေ ခဲ့ပါတယ် ။ အဲဒီ ရှေးဟောင်းအမွေအနှစ်တွေ၊ သဘာဝအလှတရားတွေကို ကမ္ဘာကသိဖို့  ကျွန်မတို့ မြန်မာပြည်သူ/ပြည်သားတွေမှာ တာဝန်ရှိပါတယ်။ တကယ်တော့ မြန်မာတို့၏ အံ့ဖွယ် ဖြစ်သော ပုဂံမြေသည် World’s Man-made Travel Wonders များ စာရင်းတွင် နံပါတ် (၆) နေရာ၌ ရှိပြီး မြန်မာတို့၏ ဦးစွန်း ရွှေတိဂုံ စေတီတော်ကြီးသည်လည်း Seven Forgotten Wonders စာရင်းတွင် ပါဝင်နေသည်ကို ဂုဏ်ယူဖွယ်ရာ တွေ့ရပါလိမ့်မည်။ အခုပြောမဲ့ အကြောင်းကတော့ ရှားပါးတဲ့ ရေသတဝ္တါမျိုးစိတ်တွေ ရှိတဲ့ ရှေးဟောင်းသဘာဝအကျဆုံးကျွန်းစုဖြစ်တဲ့ " မြိတ်ကျွန်းစု" အကြောင်းပဲ ဖြစ်ပါတယ်။ ဒီအကြောင်းကို New 7 Wonders မှာ vote ပေးဖို့  တိုက်တွန်းထားတဲ့ " မြန်မာပြည်ရဲ့ အလှကို မြန်မာပြည်က မောင်နှမတွေ ညီညီညာညာ မဲပေးလိုက်ကြစို့" ဆိုတဲ့ forward mail ကအစပြုပြီးမှ သိခဲ့ရတာပါ။ စိတ်ဝင်စားလို့  google မှာ လျှောက်ရှာပြီး အားလုံးကို ပြန်ဝေမျှလိုက်ပါတယ်။

မြိတ်ကျွန်းစု (Mergui Archipelago or Myeik Archipelago)ဟာ ၁၀၀၀စတုရန်းမီတာခန့်  အကျယ်အဝန်းရှိပြီး ကမ္ဘာ့ သဘာဝပဒါသအရှိဆုံး နေရာတွေထဲက တစ်ခုဖြစ်ပါတယ်။ မြိတ်ကျွန်းစုဟာ လူသားတို့  မနှောင့်ယှက်သေးဘဲ မူလအတိုင်း ကျန်ရှိသေးတဲ့ ကမ္ဘာ့ နောက်ဆုံး သဘာဝ အရင်းအမြစ်ကျွန်းစုတစ်ခု (World’s Last Archipelago)လည်းဖြစ်ပါတယ်။ အဲဒီကျွန်းစုဟာ တောင်တန်းတွေ၊ စိမ်းလန်းစိုပြေတဲ့ တောကြီး၊ မြိုင်ကြီးတွေကို နောက်ခံထားပြီး သူ့ ရဲ့  အနားသတ်ကိုတော့ သန္တာကျောက်တန်းတွေနဲ့  ဖွဲ့ စည်းထားပါတယ်။ ဘူမိဗေဒရှုထောင့်ကနေ ကြည့်မယ်ဆိုရင် မြိတ်ကျွန်းစုဟာ ထုံးကျောက်၊ နှမ်းကျောက်တွေနဲ့  ဖွဲ့ စည့်းထားတယ်လို့  ဆိုနိုင်ပါတယ်။ အမြဲစိမ်းတောပေါက်ရောက်တဲ့ ဒေသဖြစ်ပြီး မြစ်ဝပိုင်းမှာတော့ ပင်လယ်လမုပင်ရိုင်းတွေကို မြင်တွေ့ နိုင်ပါတယ်။ မြိတ်ကျွန်းစုထဲက ကျွန်းစုတစ်ချို့ ဟာ ၁၀၀၀မီတာ လောက်ထိ မိုးထိုးအောင်မြင့်တဲ့ ကျောက်စွယ်တွေနဲ့  ဖွဲ့ စည့်းထားပြီး ဒီရေအကျဆုံးအချိန်မှ မြင်တွေ့ နိုင်တဲ့ ပင်လယ်ထုံးအိုင်တွေလည်း ရှိပါတယ်။

မြိတ်ကျွန်းစုမှာ ငါးရှဉ့် ၊ ပင်လယ်ဖျံစတဲ့ သတ္တဝါတွေ၊ ဂဏန်း၊ ကျောက်ပုစွန်၊ ပုစွန်ဆိတ်စတဲ့ အခွံမာသတ္တဝါတွေ နဲ့  ပင်လယ်ခရတွေုအပါအဝင် တခြားနေရာတွေမှာ မတွေ့ နိုင်တဲ့ ရေသတ္တဝါ မျိုးစိတ်တွေကို စုံလင်အောင် တွေ့ နိုင်တယ်လို့  သိရပါတယ်။ လင်းပိုင်တွေ ရေလှိူင်းမဲ့ အတူစီးပြီး ကမ်းနားဘက်ကို ရောက်လာတတ်တာကလည်း တွေ့ မြင်နိုင်ပါတယ်။ ဒါ့အပြင် ကျား၊ ကျားသစ်၊ ဆင်၊ နွားရိုင်း၊ တောဝက်အစရှိတဲ့ တောရိုင်းတိရိစ္ဆာန်ကြီးတွေအပြင် သမင်၊ မြီးတိုမျောက်၊ မျောက်လွှဲကျော်အစရှိတဲ့ သတ္တဝါတွေနဲ့  ဖွတ်အကြီးစားသတ္တဝါတွေဟာ မြိတ်ကျွန်းစုပေါ်မှာ သဘာဝအလျောက် အခြေချနေထိုင်ကျက်စား ကြပါတယ်။ ငှက်တွေအနေနဲ့့ကတော့ ပင်လယ်လင်းယုန်များ၊ လင်းယုန်နီများ လေမှာဝဲပျံနေတာကို မကြာခဏဆိုသလို တွေ့ မြင်နိုင်ပါတယ်။

မြိတ်ကျွန်းစုမှာရှိတဲ့ ငါးမန်းမျိုးစုံ တို့သည် ယဉ်ကျေးပျူငှာစွာဖြင့် လူကို မကိုက်တတ်သောကြောင့် ကမ္ဘာ့ ရေငုပ်သမား တို့၏ အမြင့်ဆုံး အိပ်မက်ဖြစ်သော ငါးမန်းများ နှင့် မျက်နှာချင်းဆိုင် တွေ့ ဆုံ ဓာတ်ပုံ ရိုက်ယူခြင်း (Shark Encounter) ကို မြိတ်ကျွန်းစုမှာ ပြုလုပ်နိုင်ပြီလို့ လည်း သိရပါတယ်။ ယခင်က ယိုးဒယား နိုင်ငံမှ Similar ကျွန်းများကို ကမ္ဘာ့ ရေငုပ်ရန် အကောင်းဆုံး အဖြစ် သတ်မှတ်ထားရာမှ ယခုအခါ မြိတ်ကျွန်းစုသည် ကမ္ဘာ့ အကောင်းဆုံး Diving Site ဖြစ်သွားပြီဖြစ်ပါတယ်။

မြိတ်ကျွန်းစုမှ ဒေသခံလူမျိုးအများစုဟာ ငါးဖမ်းလုပ်ငန်းလုပ်ကိုင်ကြပြီး အရမ်းကိုဖော်ရွေကြပါတယ်။ သူတို့  ဖမ်းမိတဲ့ ငါးတွေကိုလည်း လာလည်ကြတဲ့ ဧည်သည်တွေကို လက်ဆောင်ပေးတတ်ကြပါတယ်။ယခုအခါ ကမ္ဘာလှည့် ခရီးသွားများသည် ထိုင်းနိုင်ငံမှ တဆင့် မြိတ်ကျွန်းစုသို့ ဝင်ရောက်နိုင်ရန် အတွက် မျက်စောင်း တခဲခဲ နှင့် စိုင်းပြင်းနေကြရာ ဒေသခံလူမျိုးတွေထဲက တစ်စုဖြစ်တဲ့ Sea Gypsies ခေါ် ဆလုံ တိုင်းရင်းသား တို့၏ သဘာဝနေအိမ် ဖြစ်သော မြိတ်ကျွန်းစု၏ သဘာဝ ပတ်ဝန်းကျင်များကို မူရင်းအတိုင်း ထိန်းသိမ်းထားနိုင်ရန် အရေးကြီးပြီ စသည်ဖြင့် သိရပါတယ်။ အမိမြေ၏ သဘာဝ အလှအပအများအပြားကို ပိုင်ဆိုင်ထားတဲ့ အံဖွယ် မြိတ်ကျွန်းစုဟာ ကျွန်မတို့ အတွက် ဂုဏ်ယူစရာ အရမ်းကောင်းပါတယ်။ ကျွန်မတို့ ရဲ့့ အံဖွယ် မြိတ်ကျွန်းစုရဲ့ အလှကို ကမ္ဘာကသိအောင်လုပ်ဖို့  ကျွန်မတို့ အားလုံးမှာ တာဝန်ရှိပါတယ်။

မြိတ်ကျွန်းစုလေးတွေကို vote ပေးမယ် ဆိုရင်တော့http://www.new7wonders.com/nature/en/vote_on_nominees/ မှာပေးနိုင်ပါတယ်။ သင့်ရဲ့ မဲတစ်ခုဟာ မြန်မာ့အလှကို ကမ္ဘာက သိစေနိုင်မှာပါ။


ကျမ်းကိုး ။ ။


(၁) http://www.2adventure.com/sailexcasia/default.htm


(၂) http://en.wikipedia.org/wiki/Mergui_Archipelago

(၃) မောင်ရဲခေါင် (စီလီကွန် လွင်ပြင်) ရေးသားသော‘‘ မြိတ်ကျွန်းစုလေးတွေကိုVote ပေးကြမလား’’

(၄) သူငယ်ချင်းတစ်ယောက် ပို့ ပေးတဲ့ Forward mail တစ်စောင်
To Continue Reading

မှားယွင်းတဲ့ဆုတောင်း

ဟာသလေးတစ်ခုပါ။ ရီရတာကတစ်ကြောင်း ၊ ဆုတောင်းမမှားစေချင်တာကတစ်ကြောင်းကြောင့် screen shot ဆွဲပြီး ပြန်လည်ဝေမျှလိုက်ပါတယ်။ ;) တစ်ချက်ပြုံးရင် တစ်ရက်အသက်ပိုရှည်နိုင်တယ်လို့  ကြားဖူးပါတယ်။ ပြီးတော့ လူတိုင်း မှန်မှန်ကန်ကန်ဆုတောင်း နိုင်ကြပါစေ။





To Continue Reading

ယဉ်ကျေးလိမ္မာဆုံးမစာ

၁။အနန္တငါးပါး၊ဦးထိပ်ထား၊ ညွတ်တွားပါကွဲ့  မမေ့နဲ့။

၂။ဆရာမိဘ၊ဆိုဆုံးမ၊ လိုက်နာကြကွဲ့ မမေ့နဲ့။

၃။မိဦးဖဦး၊ဆရာဦး၊ ခူး၍နော်ကွဲ့ မစားနဲ့။

၎။ကိုယ့်ထက်ကြီးသူ၊ပြောဆိုမူ၊ နင်ငါဟူ၍မပြောနဲ့။

၅။သူများကိုသာ၊ရန်မရှာ၊ မခံချင်တာမပြောနဲ့။

၆။ယဉ်ကျေးအောင်သွား၊ ယဉ်ကျေးအောင်စား၊ စကားပြောလဲယဉ်စေကွဲ့ ။

၇။ပရမ်းပတာ၊သူ့ ထက်ငါ၊ လုယက်ကာကွဲ့  မစားနဲ့။

၈။ထမင်းစားရာ၊အစားစာ၊ များစွာစကားမပြောနဲ့ ။

၉။ငြိမ်သက်သားနား၊သတိထား၊ ကောင်းကောင်းစားကွဲ့  ကောင်းကောင်းတဲ့။

၁၀။စားပြီးသောခါ၊ စင်ကြယ်စွာ၊ ဆေးကြောပါကွဲ့ ကောင်းကောင်းတဲ့။

၁၁။လက်ကိုလျက်ကာ၊မစားရာ၊ ရှောင်ရှားပါကွဲ့  ကောင်းကောင်းတဲ့။

၁၂။နှုတ်ခမ်းပါးနား၊လျက်ကာစား၊ ရှောင်ရှားပါကွဲ့  ကောင်းကောင်းတဲ့။

၁၃။လျှာကိုထုတ်ကာ၊မစားရာ၊ ရှောင်ရှားပါကွဲ့  ကောင်းကောင်းတဲ့။

၁၄။ဟင်းရည်သောက်ပြန်၊ရှူးရှူးသံ၊ ဧကန်မပြုနဲ့။

၁၅။ထမင်းဟင်းပေလျက်၊သောက်ရေခွက်၊ လက်နှင့်မကိုင်နှင့်။

၁၆။အိမ်ပေါ်၊ကျောင်းပေါ်၊ဇရပ်ပေါ်၊ သွားသော်ခြေနင်း မပြင်းနဲ့။

၁၇။ရဟန်းသံဃာ ရှေ့မှောက်မှာ၊ ရိုသေစွာတဲ့ သွားပါကွဲ့ ။

၁၈။လူကြီးသူမ၊ရှေ့သို့ကျ၊ ကုန်းကွ၍တဲ့သွားပါကွဲ့ ။

၁၉။ဒူးထောင်ပေါင်ကား၊ ဆရာနား(မိဘနား) ၊ အလျားမှောက်၍မနေနဲ့။

၂၀။အိပ်ရာ၊နေရာ အိပ်ပြီးခါ၊ သိမ်းကြပါကွဲ့  ကောင်းကောင်းတဲ့။

၂၁။သောက်ရေ၊သုံးရေ၊မရှိချေ၊ ရေကိုခပ်ကွဲ့  မပျင်းနဲ့။

၂၂။ကျောင်းတွင်း အိမ်တွင်း၊ ရှုပ်နေလျင်း၊ သန့်ရှုင်းအောင်တဲ့ ပြုပါကွဲ့ ။

၂၃။မိန်းကလေးမှာ အရာရာ၊ ပျာယီးပျာယာမရှုပ်နဲ့။

၂၄။ မိန်းမ၊မင်း၊ဆင်၊ရဟန်းပင် က္ကနြေ္ဒ့ရှင်ကွဲ့ မှတ်လေဟဲ့။

၂၅။မိန်းမက္ကနြေ္ဒ သိရ်သရေ၊စိန်ကုဋ္ဋေတန်သကွဲ့  မှတ်လေဟဲ့။

၂၆။ကျောင်းပစ္စည်းကို မယူလို၊ မြွေဆိပ်လိုကွဲ့  ကြောက်ပါကွဲ့ ။

၂၇။မျက်မှောက်တသွယ်၊ မျက်ကွယ်တခြား၊ အကျင့်မှား၊ ရှောင်ရှားပါကွဲ့  ကောင်းကောင်းတဲ့။

၂၈။ဝေယျာဝစ္စာ၊ကျောင်းအိမ်မှာ ၊ လျော်စွာလုပ်ကွဲ့  မခိုနဲ့။

၂၉။ဧည့်သည် အာန္တု၊ရောက်လာမှု၊ ဆူ၍ညံကာ မနေနဲ့။

၃၀။လူရှပ်၊လူပွေ၊လူယုတ်တွေ၊ ရှောင်ရှားလေတဲ့ ဝေးဝေးတဲ့။

၃၁။ဘိန်းအရက်ကို မရှုလို၊ မစင်လိုတဲ့ရွံပါကွဲ့ ။

၃၂။အများပိုင်ကို၊ကိုယ့်ဟာလို၊ ရိုသေကြကွဲ့  ကောင်းကောင်းတဲ့။

၃၃။ကုန်းချော၊ကြမ်းကြုတ်၊အကျင့်ယုတ်၊ မဟုတ်စကားမပြောနဲ့။

၃၄။ ဘုရားပုထိုး၊ဦးညွှတ်ကျိုး၊ ရှိခိုးအိပ်ကွဲ့  မမေ့နဲ့။

၃၅။မိခင်၊ဖခင် ဆရာရှင်၊ နေ့စဉ်မမေ့နဲ့ရှိခိုးကွဲ့ ။

၃၆။သူကပြုဖူး၊သူ့ ကျေးဇူး၊ အထူးမမေ့နဲ့၊ ပြန်ဆပ်ကွဲ့ ။

ဗုဒ္ဓဘာသာယဉ်ကျေးမှု သင်ခန်းစာ စာအုပ်မှပြဌာန်းသည်။
To Continue Reading

ဘာသာပြန် (၁)

Girl Friends' Week အတွက် သူငယ်ချင်းတစ်ယောက် ပို့ ပေးတဲ့ Forward mail တစ်စောင်ကရတာပါ။ သဘောကျမိလို့ ဘာသာပြန်လိုက်တာပါ။ original mail ထဲက pictures တွေလည်းတင်ပေးလိုက်ပါတယ်။

လူတိုင်း အကောင်းမြင်ဝါဒကို ကျင့်သုံးနိုင်ကြပါစေ။

• မနက် မနက် နောင်တတွေနဲ့ အိပ်ရာကနိုးထဖို့ ဘဝဟာ သိပ်ကိုတိုတောင်းလွန်းပါတယ်။ အဲဒါကြောင့် သင့်အပေါ်ကောင်းတဲ့သူတွေကို ချစ်ခင်ပါ။ တန်ဖိုးထားပါ။
• သင့်ကို သဘောမကျတဲ့သူတွေကိုလည်း ချစ်ခင်ပါ။ ဘာဖြစ်လို့လည်းဆိုတော့ သင့်ဘက်က ချစ်လို့ ရနေလို့ ပါ။
• ဖြစ်သမျှအကြောင်းတရားတိုင်းမှာ အကျိုးတရားတစ်ခုစီ ရှိနေတယ်ဆိုတာ သင်ယုံကြည်လိုက်ပါ။ ဖြစ်သမျှတိုင်းဟာ အမြဲမဆိုးနိုင်ပါဘူး။ အဆိုးထဲကကောင်းကို ရှာကြည့်ပါ။
• တကယ်လို့ များ နောက်တစ်ကြိမ်ဆိုတာ ရှိခဲ့မယ်ဆိုရင်တော့ အဲဒီအခွင့်အရေးကို သင့်လက်နှစ်ဖက်နဲ့ အမိအရဖမ်းယူပါ။ အဲလိုလုပ်လိုက်လို့  သင့်ဘဝကိုပြောင်းလဲစေမယ်ဆိုလည်း လက်ခံလိုက်ပါ။
• မြတ်စွာဘုရားက "ဘဝဆိုတာ လွယ်ကူတယ်"လို့ မဟောခဲ့ပါဘူး။ "မိမိကိုယ်ကိုသာ ကိုးကွယ်ရာ"လို့ ဟောခဲ့တာပါ။ အားထုတ်ရကြိုးနပ်တယ် လို့ ပဲဟောခဲ့တာပါ။

To Continue Reading

လူနာ ကုတင်နံပါတ် (၁၉)

မနိုင်းနိုင်းစနေ ဘာသာပြန်တဲ့ လူနာ ကုတင်နံပါတ် (၁၉) ကိုအရမ်းသဘောကျ လို့ ပြန်တင်ထားတာပါ။

ကုတင်နံပါတ်(၁၉)ကလူနာ ဆေးရုံစတက်တဲ့နေ့မှာ သားဖွားမီးယပ်က ဆရာဝန်၊ နပ်စ်တွေအားလုံး အစည်းအဝေးတစ်ခု ပြုလုပ်ခဲ့ကြတယ်။ ဒါဟာ ဆေးရုံနဲ့ ဆေးတက္ကသိုလ်က ကျောင်းသားတွေ ပူးပေါင်းပြီး “အေအိုင်ဒီအက်စ်ရောဂါ ခံစားနေရတဲ့ မိခင်မှ ရင်သွေးငယ်သို့ မကူးစက်ဘဲ ဖွားမြင်ရေး” ဆိုတဲ့ ရောဂါမကူးစက်ရေး အကြောင်းကို ရှာဖွေဆွေးနွေးကြဖို့ဖြစ်တယ်။

အေအိုင်ဒီအက်စ် ရောဂါသည်တစ်ဦး သားဖွားဆောင်ထဲ ရောက်နေတယ်ဆိုတဲ့ သတင်းက အိုးပူပူထဲ ပေါက်ပေါက် ထည့်ဖောက်လိုက်သလို သားဖွားဆောင်တစ်ခုလုံး ချက်ချင်းပေါက်ကွဲသွားခဲ့တယ်။ အစည်းအဝေးတုန်းက ဆေးရုံအုပ်ရှေ့မှာ ဘာမှ မဟရဲခဲ့ကြပေမယ့် အစည်းအဝေးအပြီးမှာ နပ်စ်တွေက အချင်းချင်း ဝိုင်းအုံဖွဲ့ကြပြီး “ရောဂါကူးခဲ့ရင် ဘယ်သူတာဝန်ယူမလဲ?” လို့ ငြင်းခုံခဲ့ကြတယ်။

ဆရာဝန်တစ်ချို့ကတောင် “လူနာသုံးတဲ့ ခွဲစိပ်ကိရိယာတွေ၊ အိပ်ရာခင်းတွေ ကတစ်ဆင့် တစ်ခြားလူနာတွေကို ပြန်ကူးစက်ရင် ဘယ်လိုလုပ်မလဲ?” လို့ ညည်းတွားနေကြတယ်။

ညည်းခဲ့ ငြင်းခဲ့ပေမယ့်လည်း နောက်ဆုံးမှာ လူနာနေဖို့ အခန်းကို စီစဉ်ခဲ့ကြရတယ်။ ဆေးရုံအုပ်ကြီးကိုယ်တိုင် လူနာအတွက် စပ္ပါယ်ရှယ်အခန်းက ကုတင် နံပါတ် (၁၉)ကို ရွေးပေးခဲ့တယ်။ လာဘ်နံပါတ်လို့ ပြောပါတယ်။ နပ်စ်မှူး တာဝန်ခွဲတော့ ကုတင် (၁၉)က လူနာကို ဘယ်သူမှ သွားမကြည့်ချင်ခဲ့ကြဘူး။ နောက်ဆုံး ကျောင်းပြီးတာ သုံးလတောင် မပြည့်သေးတဲ့ကျွန်မ ကုတင် (၁၉) အတွက် မားမားမတ်မတ် ထွက်ရပ်ခဲ့တယ်။

အခန်းထဲ စဝင်တဲ့နေ့မှာ လက်ရှည်အကျီင်္၊ မျက်နှာဖုံး၊ ဦးထုပ်ဆောင်းရုံသာမက အထူဆုံး လက်အိတ်တစ်စုံကိုပါ ကျွန်မရွေးခဲ့မိတယ်။ ကုတင်(၁၉)ကလူနာ ကုတင်ဘောင်ကိုမှီပြီး မွေးဖွားခါနီး ဗိုက်ကို ပွတ်သပ်လို့ အခန်းထဲဝင်လာတဲ့ ကျွန်မကို ပြုံးပြကြိုဆိုနေတယ်။ ဒီလိုရောဂါရထားတဲ့ အမျိုးအမီးတစ်ယောက်က တစ်ခြားလူတွေထက် တမူထူးခြားနေမယ်လို့ ကျွန်မ ထင်ခဲ့မိတယ်။ တကယ်တမ်း သူ့ကိုတွေ့တော့ သာမန်အမျိုးသမီး တစ်ဦးပါပဲ။ ဆံပင်ခပ်တိုတို၊ ဂါဝန် ပွပွကြီးကြီးကို ဝတ်ဆင်ထားပြီး ကွင်းထိုးဖိနပ် အနက်ရောင်ကို စီးထားတယ်။ ပါးပြင်တစ်ဖက်တစ်ချက်မှာ တင်းတိတ်တွေနဲ့ ပြည့်နေတဲ့ သူ့ပုံစံက လုံးဝစံမီတဲ့ မိခင်လောင်းတစ်ဦးဖြစ်တယ်။

“မင်္ဂလာပါ”

ဖော်ဖော်ရွေရွေ နှုတ်ဆက်လာတဲ့သူ့ကို လှိုက်ဖိုနေတဲ့ ရင်အစုံနဲ့ အေးစက်စက် ကျွန်မ ပြန်ပြုံးပြလိုက်မိတယ်။ ပထမဆုံးရက်မှာပဲ လူနာကို သွေးစစ်ရတယ်။ သွေးက ရောဂါကူးစက်ရမှာ အဓိကဖြစ်တဲ့အတွက် သူ့ကို သွေးစုတ်ဖို့ရာ ကျွန်မတစ်ကိုယ်လုံး ထုံကျင်နေမိတယ်။

ကျွန်မ စိတ်လှုပ်ရှားလွန်းလို့လားမသိ! သွေးစုတ်ဖို့ အပ်ကို သွေးကြောထဲ ရောက်အောင် မထိုးနိုင်ခဲ့ဘူး။ လွဲချော်သွားတဲ့ အပ်ကြောင့် သူ့မျက်ခုံး တွန့်သွားတာကို ကျွန်မမြင်လိုက်တယ်။ သွေးစုတ်ဖို့ ဖန်ပြွန်တွေ၊ ဂွမ်းစတွေနဲ့ ကျွန်မ ပျာများနေမိတယ်။ သူ့သွေးတွေ ကျွန်မကိုယ်ပေါ် လုံးဝ မပေကျံဖို့ ဂရုစိုက်ရသေးတယ်။ သွေးစုတ်ပြီးနောက် သူ့မျက်နှာကို ကျွန်မကြည့်လိုက်မိတယ်။ မျက်နှာက ပကတိ အေးချမ်းတည်ငြိမ်လို့......

“ကျေးဇူးတင်ပါတယ်”

ယဉ်ယဉ်ကျေးကျေးနဲ့ နွေးနွေးထွေးထွေး ဆက်ဆံလာတဲ့ သူ့ကို ပညာတတ် လူတန်းစားထဲကမှန်း ကျွန်မရိပ်မိလိုက်တယ်။

“ ဟို .. ကုတင်(၁၉)က လူနာလေ ဘယ်လိုကြည့်ကြည့် အဲဒီရောဂါရှိတဲ့ လူနာနဲ့ကို မတူဘူး သိလား” နပ်စ်နားနေဆောင် ရောက်ရောက်ချင်း ကျွန်မ မအောင့်နိုင်ဘဲ ပြောလိုက်မိတယ်။

“ဒီလိုရောဂါရတဲ့ လူနာကို ဘယ်လိုပုံစံနဲ့ မြင်ချင်လို့လဲ?” တာဝန်ကျ ဒေါက်တာတစ်ဦးရဲ့ စကားက ကျွန်မ စကားလမ်းကြောင်းကို ပိတ်ပစ်လိုက်တယ်။

“နပ်စ် .. ဒါကို ကြည့်လိုက်ဦး”

ဒေါက်တာက ပြောပြောဆိုဆို လူနာရဲ့ဆေးမှတ်တမ်းတွေ ကျွန်မကို ကမ်းပေးတယ်။

ဆေးမှတ်တမ်းကို ကျွန်မတစ်ရွက်ချင်း လှန်ကြည့်လိုက်တယ်။ သူ ကံတော်တော် မကောင်းခဲ့ရှာဘူး။ သူဟာ တက္ကသိုလ်ကျောင်း တစ်ခုက ဆရာမပါ။ ငယ်ရွယ်ထက်မြက်တဲ့သူက အသက် ၃ဝမှာ တွဲဖက်ပါမောက္ခ ဖြစ်နေပါပြီ။ သူ့အနာဂတ်လမ်းက ဖြောင့်ဖြူးနေခဲ့ပါတယ်။ ဒါပေမယ့် ခရီးတစ်ခုမှာ မတော်တဆ ယာဉ်တိုက်မှုဖြစ်ပြီး အရေးတကြီး သွေးသွင်းခဲ့ရတယ်။ အဲဒီမှာ HIV ရောဂါ ကူးစက်ခံခဲ့ရတာပါပဲ။

သွေးသွင်းခဲ့လို့ ရောဂါကူးစက်ခံရမယ်လို့ ဘယ်သူမှ တွေးမထားခဲ့မိဘူး။ သူကိုယ်ဝန်ရပြီး စစ်ဆေးမှုတွေ ပြုတဲ့အချိန်ကျမှ ကူးစက်ခံရမှန်း သိခဲ့ရတယ်။ အဲဒီနောက် သူ့ဘဝ တစ်မျိုးတစ်ဖုံ ပြောင်းခဲ့ရတယ်။ လောကကြီးကို မျက်နှာမပြရသေးတဲ့ ရင်သွေးငယ်ကိုလည်း သနားမိတယ်။ အေအိုင်ဒီအက်စ် ရောဂါသည်မွေးဖွားတဲ့ ကလေးငယ်ဟာ ရောဂါကူးစက်ဖို့ ၂ဝ% ကနေ ၄ဝ% ထိ ရှိနိုင်တယ်လုိ့ ဆိုပါတယ်။ မွေးဖွားချိန်မှာ ဖြစ်လာနိုင်တဲ့ အခက်အခဲနဲ့ ရောဂါ ကာကွယ်စက်စနစ်တွေ (Immune System) ပျက်စီးခဲ့ရင် အသက်ပါဆုံးရှုံးနိုင်ပါတယ်။

အခုချိန်မှာ သူဟာ မွေးဖွားချိန်ကို တစ်ဖက်ကစောင့်ရင်း သူ့ကိုသွေးသွင်းပေးခဲ့တဲ့ ဆေးရုံနဲ့ သွေးလှူဌာနကို တရားစွဲဆိုထားပါတယ်။ လျှော်ကြေးငွေရမယ်လို့ ခန့်မှန်းထားပေမယ့် သူ့အတွက် ဘာများအသုံးဝင်တော့မလဲ?

ကုတင်(၁၉)ရဲ့ အမျိုးသား ရောက်လာတဲ့အချိန်မှာ သားဖွားဆောင်တစ်ခုလုံး လှုပ်လှုပ်ရှားရှား ဖြစ်သွားသေးတယ်။ အေအိုင်ဒီအက်စ် ဝေဒနာသည်တစ်ဦးရဲ့ ခင်ပွန်းဟာ ဘယ်လိုပုံစံများပါလိမ့်? ကျွန်မသိချင်၊ မြင်ချင်ဇောနဲ့ အခန်းကို စစ်ဆေးမယ့်ဟန်ပြုပြီး ဝင်ရောက်စပ်စုခဲ့တယ်။ လူနာက ကုတင်ခေါင်းရင်းမှာ ထိုင်နေပြီး ခြေထောက်ကို ကုတင်နဲ့ မျက်နှာချင်းဆိုင်ထိုင်နေတဲ့ ခင်ပွန်းပေါင်ပေါ် ဆန့်ထားတယ်။ ပြီးတော့ ငယ်ထိပ်ကနေ ဆံဖျားအထိ ဆံပင်ကို စိတ်အေးလက်အေး ဖြီးသင်နေတယ်။ ခင်ပွန်းဖြစ်သူက ကိုယ်ဝန်ကြောင့် ဖောရောင်နေတဲ့ သူ့ခြေထောက်ကို ညင်ညင်သာသာ ဖိနှိပ်ပေးနေတယ်။ ဇနီးသည်ကို သနားကြင်နာမြတ်နိုးတဲ့ အပြုံးနဲ့ နွေးထွေးမှုတွေကို သူ့လက်ဖဝါးကနေ တစ်ဆင့် ဇနီးရဲ့ ကိုယ်ထဲကို အရောက်ပို့နေခဲ့တယ်။

နေရောင်ခြည်က ပြတင်းပေါက်ကို ဖြတ်ပြီး အခန်းထဲမှာရှိတဲ့ ခင်ပွန်းရဲ့ လက်ပေါ်၊ ဇနီးရဲ့ ခြေပေါ်ကို အစက်အပျောက်အဖြင့်နဲ့ ထိုးကျလာခဲ့တယ်။ နေရောင်အောက်မှာ သူတို့ဟာ တကယ့် ပျော်ရွှင်စရာကောင်းတဲ့ ဇနီးမောင်နှံအဖြစ် ပိုအသက်ဝင်နေခဲ့ပါတယ်။

“ကလေးက ဘယ်သူနဲ့ ပိုတူမယ်လို့ ထင်လဲ?”

ကုတင်ထက်က အိပ်ရာခင်းကို ဆွဲဆန့်ရင်း သူတို့ပြောတဲ့စကားကို ကျွန်မ စိတ်မကောင်းစွာ နားထောင်နေမိတယ်။ တကယ်တော့ သူတို့ဟာ ပျော်စရာကောင်းတဲ့ မိဘလောင်းတွေပါလား?

“ကျွန်မနဲ့ ပိုတူမှာ ” ခပ်ချွဲချွဲ အမှုအရာနဲ့ သူပြောတယ်။

“အသားအရေတော့ တူလို့ မဖြစ်ဘူးနော်” ခင်ပွန်းက တစ်ဟားဟား ရယ်ရင်း “ကြည့်စမ်း... ပါးပြင်ပေါ်မှာ အစက်အပျောက်တွေနဲ့ ကျားသစ်မနဲ့ တူနေပြီ” သူ့ကိုစတယ်။ မျက်ရည်တွေ ပါးပြင်ပေါ် စီးမကျလာခင် အခန်းထဲကနေ ကျွန်မထွက်လာခဲ့တယ်။

HIV ရောဂါ ထိန်းချုပ်ပေးတဲ့ ဆေးတွေကို ကုတင်(၁၉) နေ့တိုင်းသောက်နေရတယ်။ နေ့တိုင်း သွေးစစ်ရတယ်။ ဆီးစစ်ရတယ်။ ဖြူဖွေးပြည့်ဝတဲ့ သူ့လက်မောင်းနှစ်ခုလုံး လက်ဖဝါးကနေ လက်မောင်းအထိ အပ်ရာတွေနဲ့ ပြည့်နေခဲ့ပါပြီ။ မကျွမ်းကျင်တဲ့ ကျွန်မမှာ ကြောက်စိတ်တွေ ရောပါနေခဲ့လို့ အမြဲတမ်း အပ်ကို တစ်ချက်တည်းနဲ့ မသွင်းနိုင်ခဲ့ဘူး။ ဒါကို သူက တစ်ခါမှ စိတ်မဆိုးခဲ့တဲ့အပြင် ကျွန်မကို အေးအေးလေး ပြုံးကြည့်နေတတ်တယ်။

သူ့ကို ပြုစုတဲ့ တစ်ပတ်ကျော်ကျော် အတွင်းမှာ သူ့ကို တဖြေးဖြေး ကျွန်မနှစ်သက်လာမိတယ်။ အခန်းထဲဝင်ရင် အကာအကွယ် ချပ်ဝတ်တန်ဆာတွေကို ကျွန်မ ဝတ်ဆင်ထားဆဲဖြစ်ပေမယ့် အပ်စိုက်ရာမှာ ပိုတိကျသေချာအောင် ကျွန်မဂရုစိုက်လာခဲ့တယ်။ သောက်ဆေးတွေကိုလည်း သူမှတ်မိတဲ့အထိ ထပ်သလဲလဲ မှာဖြစ်ခဲ့တယ်။ တစ်ခါတလေ သူ့အတွက် လတ်ဆတ်တဲ့ နေကြာပန်းတွေကို ဝယ်ပြီး သူ့ကုတင်ရှေ့မှာ ကျွန်မ ပန်းအိုးထိုးထားတတ်တယ်။

သူ့ကိုယ်ဝန် အနေအထားအားလုံးက ပုံမှန်ဖြစ်တယ်။ ကလေးက အနည်းငယ် ထွားနေပြီး ခေါင်းပိုင်းက မွေးဖွားရာလမ်းကြောင်းရဲ့ ၁ဝ စင်တီမီတာမှာ ရှိနေခဲ့တယ်။ ဒါပေမယ့် မွေးဖွားရာမှာ ရောဂါမကူးစက်အောင် ဆရာဝန်က ဗိုက်ခွဲမွေးဖို့၊ ခွဲစိပ်မယ့် အစီအစဉ်တွေ အားလုံးကို စီမံထားပြီးဖြစ်တယ်။

မွေးဖွားရက် နီးလာပါပြီ။ ခန့်မှန်းထားတဲ့ မွေးဖွားရက်က တစ်ပတ်လိုသေးပေမယ့် ၃၁နှစ် သားဦးဖြစ်တာကတစ်ကြောင်း၊ အေအိုင်ဒီအက်စ် ရောဂါသည် ဖြစ်နေတာကတစ်ကြောင်းမို့ လူနာခန်း၊ ခွဲစိပ်ခန်းကို အသေးစိပ် ပြင်ဆင်ထားပြီး အဆင်သင့်အနေအထားမှာ နိုးနိုးကြားကြား ရှိနေခဲ့ကြတယ်။

ကုတင်(၁၉)က တည်ငြိမ်လွန်းတယ်။ နေ့တိုင်း စာဖတ်လိုက်၊ သီချင်းနားထောင်လိုက်နဲ့ မွေးဖွားလာမယ့် ရင်သွေးအတွက် စာတွေ၊ ပုံတွေ ရေးဆွဲနေခဲ့တယ်။ အခုဆို သူ့ခေါင်းအုံးအောက်မှာ စာတွေ တစ်ထပ်ကြီး ရှိနေပါပြီ။

အရွယ်လွန်မှ ရတဲ့ ကိုယ်ဝန်ဖြစ်တဲ့အပြင် ရောဂါပါ ခံစားနေရပြီး ဘာဖြစ်လို့ ရင်သွေးငယ်အတွက် ဒီလောက်ထိ အားခဲနေရသလဲလို့ သူ့ကို ကျွန်မ မေးခဲ့တယ်။ ကျွန်မမေးတဲ့ အမေးကို သူ မနှစ်သက်ဟန် မပြတဲ့အပြင် “ ကလေးက ရောက်လာခဲ့ပြီပဲလေ။ သူ့အသက်ကို ကျွန်မ မဆုံးရှုံးသင့်ဘူး” လို့ ခပ်ပြုံးပြုံး ပြန်ဖြေခဲ့တယ်။

ဆက်မေးသင့် မမေးသင့် ကျွန်မတစ်ချက်တွေဝေပြီး “တကယ်လို့ ရောဂါကူးခဲ့ရင် ဘယ်လိုလုပ်မလဲ?” လို့မေးလိုက်မိတယ်။

နေကြာပန်းကို ပွတ်သပ်ကိုင်တွယ်ပြီး တစ်ဖက်လှည့်လိုက်ရင်း “တကယ်လို့ ကျွန်မတို့သာ မစမ်းသပ်ခဲ့ရင် ကလေးအသက်ရှင်ဖို့ အခွင့်အရေးတောင် ရှိခဲ့မှာ မဟုတ်ဘူး” လို့ သူပြန်ဖြေတယ်။

ကျွန်မစိတ်တွေ ပိုလေးလံလာခဲ့တယ်။ အခန်းက အပ်ကျသံတောင် မကြားရလောက်အောင် တိတ်ဆိတ်ငြိမ်သက် သွားခဲ့တယ်။ အခန်းထဲကနေ လှည့်ထွက်ဖို့ ကျွန်မပြင်တော့ သူက တိုးညှင်းတဲ့ အသံနဲ့.....

“ကျွန်မတစ်ခုလောက် တောင်းဆိုချင်ပါတယ်။ တကယ်လို့ မွေးဖွားချိန်မှာ တစ်ခုခုဖြစ်ခဲ့ရင် ကျွန်မခင်ပွန်းက လူကြီးအသက်ကို လုပါလို့ ပြောလိမ့်မယ်။ ဒါပေမယ့် ကျွန်မရောဂါ အခြေအနေကို နပ်စ်လည်း သိပါတယ်။ ဒါကြောင့် ဘာပဲဖြစ်ဖြစ် ကလေးကို ပထမဆုံးနေရမှာ ထားပေးပါနော်”

ကျွန်မပါးပြင်ပေါ် မျက်ရည်တွေ အတားအဆီးမဲ့ စီးဆင်းလာခဲ့တယ်။ အော် ..... ဒါကပဲ မိခင်တဲ့လား ?

ရောက်လာမယ့် နေ့ရက်က ရှောင်လွဲလို့ မရအောင် အရောက်လာခဲ့ပါပြီ။ အဲဒီညက ကျွန်မနိုက်ဂျူတီ ဝင်ရတယ်။ ကုတင် (၁၉)အတွက် ခွဲစိပ်ဖို့ အားလုံး ပြင်ဆင်ပြီးနေပြီ။ မိုးလင်းခါနီးမှာ ရုံးခန်းက အရေးပေါ် အချက်ပေး ခေါင်းလောင်းသံတွေ နားကွဲမတတ် ဆူညံမြည်လာခဲ့တယ်။ ကျွန်မချက်ချင်းထရပ်ပြီး အချက်ပြနံပါတ်ကို ကြည့်လိုက်တယ်။

“ကုတင် (၁၉) ! ”

တာဝန်ကျဆရာဝန်တွေကို တစ်ဖက်ကခေါ်ရင်း ကုတင် (၁၉)ဆီ ကျွန်မ အပြေးပြေးလာခဲ့မိတယ်။

မှိန်ဖျော့နေတဲ့ မီးရောင်အောက်မှာ ကုတင်(၁၉)ရဲ့ မျက်နှာက ဖြူရော်လို့နေတယ်။ စောင်ကို ဆွဲခွာကြည့်လိုက်တော့ ရေမွှာက ပေါက်နေခဲ့ပါပြီ။ ပိုဆိုးတာက ရေက အနီရောင်ဖြစ်နေတဲ့အတွက် သားအိမ်အတွင်းမှာ သွေးထွက်နေပြီဆိုတာကို သိလိုက်တယ်။

ကုတင်(၁၉)ရဲ့ မျက်နှာပေါ်မှာ စိုးရိမ်မှုတွေ လွှမ်းနေတယ်။ သွေးထွက်ပြီ ဆိုကတည်းက ကလေးကို ရောဂါကူးစက်နိုင်နှုန်းက ဆတိုးသေချာနေပြီ။ တကယ်တော့ အချင်းက ရောဂါမကူးစက်အောင် ရင်သွေးကို ဖုံးအုပ်ထားနိုင်တယ်။ ဒါပေမယ့် မွေးဖွားချိန် ထွက်တဲ့သွေးနဲ့ ဓာတ်တစ်မျိုး (Secretions) ကြောင့် ကလေးကို HIV ကူးစက်နိုင်ပါတယ်။

နာကျင်လွန်းလို့ သူ့နှာဖူးမှာ ချွေးသီးချွေးပေါက်တွေ တွဲခိုနေတယ်။ ခံစားနေရတဲ့ ဝေဒနာကို အံကြိတ်ပြီး ခွဲစိပ်ဖို့ပြင်ဆင်မှုတစ်ချို့ကို သူခံယူနေတယ်။ ညအချိန်မို့ ထမ်းစင်က ချက်ချင်းရောက်မလာခဲ့ဘူး။ သူ စကားတစ်ခွန်းမှမပြောဘဲ ကုတင်ပေါ်က ဆင်းလိုက်တယ်။ သူ့ကိုဖေးမရင်း သွေးတွေရောနေနဲ့ ရေတစ်ချို့ ဂါဝန်ထဲကနေတစ်ဆင့် ရောင်အမ်းနေတဲ့ သူ့ခြေထောက်ပေါ် စီးကျလာတာကို ကျွန်မတွေ့လိုက်တယ်။

သူဘာကိုမှ ဂရုမစိုက်ခဲ့ဘူး။ ခြေလှမ်းကို မြန်သထက် မြန်အောင်လှမ်းနေတယ်။ သူ့ခြေလှမ်း တစ်စက္ကန့် မြန်ရင် ကလေးအသက်ရှင်မယ်၊ ရောဂါကူးစက်ရာက လွတ်မယ်လို့ သူမှန်းထားပုံရတယ်။

ခွဲစိပ်ကုတင်ပေါ် သူရောက်တဲ့အချိန် ရေမွှာ ရေက နောက်ကျိနေခဲ့ပါပြီ။ ဒါက ရင်သွေးငယ် အောက်စီဂျင်ပြတ်နေပြီဆိုတဲ့ လက္ခဏာဖြစ်တယ်။ ထုံဆေးဆရာက သူ့ကို ထုံဆေးထိုးပေးပြီး ကျွန်မတို့က သူ့ရဲ့ သတိလည်နှုန်းကို စတင်စမ်းသပ်ခဲ့ကြတယ်။

ခက်တာက အချိန် ၃ မိနစ်ကျော်လွန်သွားပေမယ့် သူနိုးကြားနေတုန်းပဲ။

“နာလိုက်တာ” လို့ သူ ရေရွတ်နေတယ်။

ထုံဆေးဆရာ ချွေးပြန်စပြုလာပါပြီ။ သူ့ထုံဆေး အစွမ်းမပြတဲ့ လူနာဆိုလို့ ဒါပထမဆုံးအကြိမ် ကြုံတာပါပဲ။ ဒါပေမယ့် ကလေးအခြေအနေက ထုံဆေးထပ်ပေးလို့ မသင့်တဲ့အခြေအနေကို ရောက်နေပါတယ်။

ကျွန်မရဲ့လက်ကို သူ့တင်းတင်းလေး ဆုပ်ကိုင်ထားတယ်။ တိုးလျှိုးတောင်းပန်တဲ့ မျက်လုံးနဲ့ ဆရာဝန်တွေကို ကြည့်နေတယ်။ ပါးစပ်ကလည်း “ ကျွန်မ ကလေးကို ကယ်ပါ.... ကျွန်မကို ဂရုမစိုက်ပါနဲ့... ကျွန်မ ကလေးကို ကယ်ပါ” လို့ တိုးတိုးလေး တောင်းဆိုနေခဲ့တယ်။

အချိန် ၁ မိနစ် လွန်မြောက်သွားခဲ့ပါပြီ......

ကုတင်(၁၉)ရဲ့ ခြေလက်တွေကို ကုတင်နဲ့ ကပ်ချည်ထားလိုက်တယ်။ ထုံဆေးဆရာကလည်း ဆေးထိုးအပ်ကို အသင့်ပြင်ထားပြီးပြီ။ ခွဲစိတ်မှူးဆရာဝန်ကလည်း အံကြိတ်လို့ ခွဲစိပ်ဖို့ရာ လက်တွန့်နေခဲ့တယ်။

ဒါ ကျွန်မနပ်စ်လုပ်လာတဲ့ သက်တမ်းတစ်လျှောက် “သားဖွားမီးယပ်ပါရဂူ” အဖြစ် နာမည်ကြီးတဲ့ ဆရာဝန်ရဲ့ မျက်နှာပေါ်က မျှော်လင့်ချက်မဲ့အရိပ်ကို ပထမဦးဆုံး မြင်ဖူးခြင်းပါပဲ။

ခွဲစိပ်ဓားတွေက ထုံဆေးမစွမ်းတဲ့ ကုတင်(၁၉)ရဲ့ ဗိုက်ပေါ် ခွဲချလိုက်တယ်။ ဗိုက်အရေခွံ အဲဒီနောက် အဆီထပ်၊ ကြွက်သား၊ အချွဲ (Mucosa)၊ သားအိမ်.... ကုတင်(၁၉) ကျွန်မလက်ကို တင်းတင်းဆုပ်ကိုင်ထားဆဲပါပဲ။ မပီမသ စကားသံတစ်ချို့နဲ့ ရင်ကွဲလုမတတ် အော်မြည်သံတစ်ချို့ သူ့ပါးစပ်မှာ ကိုက်ထားတဲ့ ပုဝါကြားကနေ ပလုံးပထွေးထွက်လာခဲ့တယ်။

ခန္ဓာတစ်ခုလုံးက ကုတင်ပေါ်မှာ တစ်ဆတ်ဆတ် တုန်လို့..... အကြောတွေပါ လိမ်ဆွဲနေတယ်။ သူ့မျက်နှာဟာ နာကျင်လွန်းလို့ ပုံစံပြောင်းနေတယ်။ ကျွန်မ မကြည့်ရက်ဘဲ မျက်နှာလွဲလိုက်တယ်။ မျက်ရည်တွေ ပါးပြင်ပေါ် လှိမ့်ဆင်းလာခဲ့ပါတယ်။

ဒါဟာ ဘယ်လိုနာကျင်မှုမျိုးလဲ ! ဒါဟာ ဘယ်အရာနဲ့ နိုင်းပြလို့ရတဲ့ မိခင်မေတ္တာမျိုးလဲ !


နောက်ဆုံး ကလေးကို ဝမ်းထဲကနေ ဆွဲထုတ်ယူနိုင်ခဲ့တယ်။ ကလေးမျက်နှာက ပြာနှမ်းနေပါပြီ။ ချက်ကြိုးက လည်ပင်းကိုပတ်နေတာကြောင့် အောက်စီဂျင်ပြတ်ပြီး ပြာနှမ်းခဲ့ပုံရတယ်။

တအောင့်ကြာတော့ ချွေးတွေ ရွှဲနစ်နေတဲ့ သူ့ခန္ဓာကိုယ် တစ်ခုလုံး ပျော့ခွေကျသွားတယ်။ ဆရာဝန်က ကလေးငယ်ကို ခြေထောက်ကကိုင်ပြီး ကျောကို တစ်ချက်နှစ်ချက် ပုတ်ပေးလိုက်တယ်။ ပါးစပ်ထဲဝင်နေတဲ့ အညစ်အကြေးတစ်ချို့ အန်ထွက်လာပြီးနောက် ကလေးရဲ့ ပထမဆုံးငိုသံ ထွက်ပေါ်လာခဲ့တယ်။ ငိုသံကတိုးညှင်းပေမယ့် ကြည်လင်နေတယ်။

သတိလက်လွတ် ဖြစ်ခါနီးဆဲဆဲ မိခင်က ကလေးငိုသံကို ကြားလိုက်မိလို့ ထင်ပါရဲ့ ကလေးဖက်ကို အားယူပြီး မျက်လုံးတစ်ချက် ဖွင့်ကြည့်လိုက်တယ်။ အဲဒီနောက် မျက်ခွံတွေ လုံးဝပိတ်ကျသွားခဲ့တယ်။ သူ့ကိုယ်ပေါ် ပတ်ထားတဲ့ ခါးပတ်တွေကို ကျွန်မဖြုတ်ပေးလိုက်တယ်။ သူ့လက်ကောက်ဝတ်တွေ၊ ခြေကျင်းဝတ်တွေ ညိုမည်းပွန်းပဲ့ကုန်ပြီး သွေးတွေ ထွက်နေတာကို ကျွန်မတွေ့လိုက်တယ်။ အဆုပ်ကိုင်ခံထားရတဲ့ ကျွန်မရဲ့ လက်လည်း အရိုးတွေ ကျိုးကြေမတတ် နာကျင်လို့နေတယ်။

ကုတင်(၁၉) အားယူပြီး ဖွင့်ကြည့်ခဲ့တဲ့ အကြည့်တစ်ချက်က ကိုယ့်ရင်သွေးငယ်ကို နောက်ဆုံးကြည့်ခြင်းမှန်း ကျွန်မလုံးဝ တွေးမထားခဲ့မိဘူး။ အဲဒီ ဖော်ရွေမှု အပြုံးတွေပါတဲ့ သူ့မျက်လုံးဟာ ပိတ်ကျသွားပြီးနောက် လုံးဝ ပြန်ဖွင့်မလာခဲ့တော့ပါဘူး။

၃ရက်အကြာမှာ ခွဲစိပ်မှုကြောင့် သွေးမသန့်ဖြစ်တာရယ်၊ ပေးထားတဲ့ antibiotics အကျိုးမပြုတာရယ်ကြောင့် လူ့လောကကို သူရာသက်ပန် ခွဲသွားခဲ့တယ်။

ကံကောင်းတာက မွေးထွက်လာတဲ့ ကလေးလေးက HIV negative ဖြစ်နေတယ်။ ကျွန်မတို့ ဆေးပညာမှာ အောင်မြင်တဲ့ ကုသမှုတစ်ခုအဖြင့် အသိအမှတ်ပြုမိပါတယ်။ အေအိုင်ဒီအက်စ် ရောဂါရ မိခင်တစ်ဦးကနေ ကျန်းမာတဲ့ ကလေးငယ် မွေးထုတ်နိုင်ခဲ့တဲ့အတွက် သတင်းစာအချို့နဲ့ သတင်းဌာနက လူတွေ လာရောက် မေးမြန်းကြမယ်လို့ ကျွန်မတို့ ကြားမိပါတယ်။

လူနာနေခဲ့တဲ့ အခန်းကို ကျွန်မဝင်ရှင်းတော့ ကုတင်(၁၉)ရဲ့ ခေါင်းအုံးအောက်မှာ ကလေးအတွက် ရေးခဲ့တဲ့ စာတွေကို ကျွန်မတွေ့လိုက်မိတယ်။ စာတွေအပြင်၊ ရုပ်ပုံတွေပါ ဆွဲထားသေးတယ်။ ပထမဆုံးပုံက နေလုံးကြီးပုံကို ဆွဲထားတယ်။ နေရောင်အောက်မှာ လက်ကလေးတစ်စုံ... အဲဒီအောက်မှာ ကလေးအတွက် စာတစ်ကြောင်းရေးထားပါတယ်။

“သားရေ..... ဘဝဆိုတာ နေမင်းကြီးနဲ့တူတယ်။ ဒီနေ့ နေဝင်ခဲ့ရင် မနက်ဖြန် ပြန်တက်လာစမြဲပဲ။ ဒါပေမယ့် နေမင်းကြီးက နေ့တိုင်းတော့ မတူနိုင်ဘူး”

စာကြောင်းရဲ့ အောက်မှာ သပ်ရပ်လှပတဲ့ နာမည်လေးတစ်ခု ထိုးထားတယ်။ သူ့ကို ကုတင်(၁၉)လို့ပဲ ကျွန်မခေါ်ခဲ့မိတဲ့အတွက် ပထမဆုံးအကြိမ် ကျွန်မ နောင်တရမိခဲ့တယ်။

ကလေးလေး ဆေးရုံဆင်းတော့ ကလေးအဖေကို ရေးထားတဲ့ စာတွေအားလုံး ကျွန်မအပ်လိုက်တယ်။ သူ့မျက်လုံးမှာ မျက်ရည်တွေနဲ့ နီရဲနေခဲ့တယ်။ ကလေးငယ်ကလည်း သူ့မိခင် မရှိတော့မှန်း သိတဲ့အလား တစ်ဝါးဝါးနဲ့ အော်ငိုနေခဲ့တယ်။

နေမင်းကြီးပုံ ဆွဲထားတဲ့ ပုံကို ကလေးရှေ့မှာ ကျွန်မဝှေ့ယမ်းပြလိုက်မိတယ်။ ကလေးငယ်ဟာ ငိုရာက ချက်ချင်းတိတ်ပြီး လက်ကလေးကို ဆန့်လို့ ...... ကျွန်မလက်ထဲက စာရွက်ကို လှမ်းဆုတ်ကိုင်လိုက်တော့တယ်။


ပြီးပါပြီ

နိုင်းနိုင်းစနေ ဘာသာပြန်သည်။

မူရင်း.... http://www.go99.com.tw/elife/p/005/a3.htm

To Continue Reading

အချစ်ကိုနားလည်သော

ဟိုးတစ်ချိန်က ကျွန်းလေးတစ်ကျွန်းမှာ ခံစားချက်တွေ အားလုံး နေထိုင်ကြတယ်။ ပျော်ရွှင်မှု၊ ကြေကွဲမှု၊ ချမ်းသာခြင်း၊ အသိပညာ စသဖြင့်ပေါ့။ အချစ်လည်း နေပါတယ်။ တစ်နေ့တော့ သူတို့ စုပေါင်းနေကြတဲ့ ကျွန်းဟာ မကြာခင်မှာ ပင်လယ်ထဲကို မြုပ်တော့မယ်လို့ သတိပေးကြေငြာချက် ထွက်လာတယ်။ ဒါနဲ့ပဲ အားလုံးကိုယ်စီကိုယ်စီ လှေတွေ လုပ်ကြပြီး အဲဒီကျွန်းကနေ ထွက်ခွာသွားကြတော့တယ်။ အချစ်က လွဲလို့ပေါ့။သူက နောက်ဆုံးအချိန်ထိ မျှော်လင့်ချင်သေးတယ်လေ။ ကျွန်းကြီးတစ်ခုလုံး မြုပ်ခါနီးပြီဆိုမှ အချစ်က သူ့ကိုလာကယ်ဖို့ အကူအညီ တောင်းမယ်လို့ ဆုံးဖြတ်လိုက်တယ်။

ချမ်းသာခြင်းကို လှေနဲ့ ဖြတ်သွားတာ မြင်လိုက်တော့ အချစ်က
"ဗျို့ ... ကိုချမ်းသာ၊ ကျနော့်ကို ခင်ဗျားနဲ့ အတူလိုက်ခွင့် ပေးပါလား။" လို့ လှမ်းအကူအညီ တောင်းလိုက်တယ်။ ဒီတော့ ချမ်းသာခြင်းက
"ဝမ်းနည်းပါတယ် အချစ်ရာ။ လှေပေါ်မှာ တင်ထားတဲ့ ရွှေတွေ ငွေတွေနဲ့ ပြည့်နေတယ်။ မင်းအတွက် နေရာမရှိဘူး။" လို့ ငြင်းလိုက်တယ်။

ဘေးနား ရောက်လာတဲ့ မာနကို လှမ်းအကူအညီတောင်းတော့လည်း အဖြေက မထူးဘူး။
"ကိုယ် မင်းကို မကူညီနိုင်ဘူး အချစ်။ မင်း တစ်ကိုယ်လုံးလည်း ရွှဲလို့ ငါလှေ ပျက်သွားလိမ့်မယ်။ မဖြစ်ပါဘူး။"

ကြေကွဲမှုကို လှမ်းမြင်လိုက်တော့ အော်ပြောလိုက်တယ်။ "ကြေကွဲမှု၊ ကျနော့်ကိုလည်း ခေါ်သွားပါဦး။"
"အို ... အချစ်၊ ငါ တအား ဝမ်းနည်းနေလို့ပါကွာ။ တစ်ယောက်တည်းပဲ အေးဆေး နေပါရစေ။" လို့ ပူဆွေးနေတဲ့ အသံနဲ့ ပြန်ဖြေလိုက်တယ်။

ပျော်ရွှင်မှု ဘေးနားက ဖြတ်သွားတာ မြင်တော့ လှမ်းခေါ်လိုက်ပေမယ့် သူ့ဖာသာ အပျော်လုံးနဲ့ စို့နေတော့ ခေါ်နေတာတောင် မကြားနိုင်တော့ဘူးလေ။

အဲဒီလို အားကိုးရာမဲ့လို့ အားငယ်နေချိန်မှာ ရုတ်တရက် ဆိုသလို "လာ အချစ်။ ငါနဲ့ လိုက်ခဲ့။" ဆိုတဲ့ အသံတစ်သံ ထွက်လာတယ်။ သူ့ကြည့်ရတာ အသက်တော်တော် ကြီးနေပါပြီ။ ဘာပဲ ဖြစ်ဖြစ်လေ။ အချစ်ခမျာ တအား ပျော်သွားပြီး လှေပေါ် ခုန်တက်လိုက်တယ်။ ကယ်တင်ရှင်တွေ့ပြီ ဆိုပြီး အပျော်လွန်လိုက်တာ အဘိုးအိုကို ဘယ်သွားမလို့လဲ ဆိုတာတောင် မမေးလိုက်မိဘူး။ နောက် ကမ်းခြေ တစ်နေရာလည်း ရောက်ရော အချစ်ကို ချပြီးပြီးချင်း ဘာမှ မပြောဘဲ လှေလှော်ပြီး ထွက်သွားလေရဲ့။

ကျေးဇူးတင်ချင်တာတောင် ဘယ်သူ့ တင်ရမှန်း မသိတဲ့ ဘဝ။ ဒါနဲ့ တခြားအဘိုးအို တစ်ယောက်ဖြစ်တဲ့ ဦးပညာကို သွားမေးတော့တယ်။
"ကျနော်ကို ဘယ်သူ ကူညီသလဲဆိုတာ သိလား အဘ"
"အဲဒါ အချိန် ကွဲ့" လို့ အဘိုးအို ပြန်ဖြေတော့ "အချိန်" လို့ ပါးစပ်ကနေ ရေရွတ်ရင်း စဉ်းစားနေမိတယ်။ အချစ်ရဲ့ မျက်နှာ အမူအရာကို အကဲခတ်မိတဲ့ ဘိုးပညာက တစ်ချက်ပြုံးလိုက်ပြီး ပြန်ဖြေလိုက်တယ်။
"အေးကွဲ့။ လောကမှာ အချစ်ရဲ့ တန်ဖိုးကို နားလည်နိုင်စွမ်းရှိတာ အချိန်ပဲ ရှိတယ်မဟုတ်လား အမောင်ရဲ့"

မှတ်ချက် ။ ။ သူငယ်ချင်းတစ်ယောက် ပို့ ပေးတဲ့ email ကိုသဘောကျလို့ post ပြန်တင်ထားတာပါ ....original writer ကိုတော့မသိပါဘူး ။ To Continue Reading

MINDSET

email နှင့်ဆောင်းပါးများကိုဖတ်ပြီး ခံစားမိတာလေးများကို mindset post များအဖြစ်ပြန်လည်တင်ထားတာပါ။ ဘဝအောင်မြင်ရေး အတွက် မိမိကိုယ်ကို ယုံကြည်မှုရှိစေရန် ရည်ရွယ်၍ ပြန်လည်ဖြန့်ဝေပါတယ်။ နောင်လည်း အလျင်းသင့်သလိုဖော်ပြသွားပါမယ်။
original writer များကိုမသိတဲ့အတွက် မဖော်ပြထားပါဘူး။ Please don't mind about that.

It's called Mindset!!

As my friend was passing the elephants, he suddenly stopped, confused by the fact that these huge creatures were being held by only a small rope tied to their front leg. No chains, no cages.

It was obvious that the elephants could, at anytime, break away from the ropes they were tied to but for some reason, they did not. My friend saw a trainer nearby and asked why these beautiful, magnificent animals just stood there and made no attempt to get away.
     "Well," he said, "when they are very young and much smaller, we use the same size rope to tie them and, at that age, it's enough to hold them. As they grow up, they are conditioned to believe they cannot break away. They believe the rope can still hold them, so they never try to break free." 
     My friend was amazed. These animals could at any time break free from their bonds but because they believed they couldn't, they were stuck right where they were. Like the elephants, how many of us go through life hanging onto a belief that we cannot do something, simply because we failed at it once before? So make an attempt to grow further.... Why shouldn't we try it again? 

"YOUR ATTEMPT MAY FAIL, BUT NEVER FAIL TO MAKE AN ATTEMPT." To Continue Reading

ရောင့်ရဲခြင်း

Forward mail တစ်ခုက ရတာပါ။ မနိုင်းနိုင်းစနေ ရဲ့ post လေးပါ။ ဖတ်ကြည့်ကြပါဦး။


"ကျေနပ်တယ်၊ ပြည့်စုံတယ်" ဆိုတာ ကိုယ်လိုချင်တာကို ရသွားလို့ မဟုတ်ဘူး။ ရှိတာနဲ့ ရောင့်ရဲတင့်တိမ် နေတာဖြစ်တယ်။

မိတ်ဆွေတစ်ဦးနဲ့ စကားပြောဖြစ်တော့ သူ့မှာ အလုပ်နှစ်ခုရှိပေမယ့် ဝင်ငွေနည်းတဲ့အကြောင်း ဒါပေမယ့်
ကျွန်တော့်ကို ပြောပြတယ်။ နည်းပါးတဲ့ သူ့ဝင်ငွေကို ချွေတာသုံးမှ မိဘ၊ ယောက္ခမ၊ မိန်းမနဲ့ ကလေးတို့ရဲ့အသုံးစရိတ်အပြင် မိသားစုစားဝတ်နေရေး ဖူလုံမှာဖြစ်တယ်။ ဒါနဲ့များ သူဘာကြောင့် ပျော်ရွှင်နေသလဲဆိုတာကို ကျွန်တော်စဉ်းစားလို့ မရခဲ့ဘူး။

လွန်ခဲ့တဲ့ နှစ်အနည်းငယ်က အိန္ဒိယမှာ မျက်မြင်ကိုယ်တွေ့ ကြုံခဲ့တဲ့အဖြစ်ကြောင့်လို့ သူကရှင်းပြပါတယ်။ အဲဒီတုန်းက ကိစ္စတစ်ခုကြောင့် သူဟာ အကြီးအကျယ် နလန်မထူနိုင်အောင် စိတ်ပျက်ခဲ့လို့ အိန္ဒိယကို စိတ်ပြေလက်ပျောက် ခရီးထွက်ခဲ့တယ်။ တစ်နေရာမှာ အိန္ဒိယမိခင်တစ်ဦးဟာ ကလေးငယ်တစ်ယောက်ရဲ့ ညာလက်ကို ဓားနဲ့လှီးဖြတ်နေတာ တွေ့လိုက်တယ်။ အကူအညီမဲ့ မိခင်ရဲ့မျက်လုံးနဲ့ ကလေးငယ်ရဲ့ နာကျင်အော်ညည်းသံကို ယနေ့ထက်တိုင် သူကြားယောင်ဆဲ ဖြစ်ကြောင်း ကျွန်တော့်ကို ပြောပြတယ်။

သားလက်ကို ဘာကြောင့် အမေဖြတ်ရသလဲလို့ ကျွန်တော်မေးမိတယ်။ ကလေးငယ် အရမ်းဆိုးလို့လား? လက်မှာ အနာရောဂါတစ်ခုခု ကူးစက်နေလို့လား? တစ်ခုမှ မဟုတ်ပါဘူး... တောင်းရမ်းစားသောက် နိုင်အောင်လို့ လို့ မိတ်ဆွေက ဖြေပါတယ်။ မိခင်တစ်ဦးက သားကို တမင်တကာ ဒဏ်ရာ အနာတရဖြစ်အောင် လုပ်ရတာဟာ လမ်းပေါ်မှာ တောင်းရမ်းစားသောက်နိုင်အောင် ဖြစ်တယ်။

အဲဒီအဖြစ်အပျက်ကို ကြည့်ပြီး စားလက်စ ပေါင်မုန့်ကို လွတ်ချမိတဲ့အထိ သူအံ့သြတုန်လှုပ် သွားခဲ့မိတယ်။ တဆက်တည်းမှာပဲ လွတ်ကျသွားတဲ့ ပေါင်မုန့်ကို ဝိုင်းလုဖို့ ကလေးတစ်သိုက် သူ့အနား ချက်ချင်းရောက်လာခဲ့တယ်။ သဲတွေပေနေတဲ့ ပေါင်မုန့်ကို ဝိုင်းလုကြတာဟာ ငတ်မွတ်ဒဏ်ကြောင့် ဖြစ်ပေါ်လာတဲ့ တုန့်ပြန်မှုဆိုတာ သူနားလည်လိုက်တယ်။

ဒီမြင်ကွင်းက သူ့ကိုချောက်ချားစေခဲ့ပြန်တယ်။ လမ်းညွှန်ကို အနီးအနား ပေါင်မုန့်ဆိုင်တစ်ဆိုင် မောင်းပို့ခိုင်းပြီး ဆိုင်ထဲရှိသမျှ ပေါင်မုန့်အားလုံးကို သူဝယ်ယူလိုက်တယ်။ ပေါင်မုန့်အားလုံးရဲ့ တန်ဖိုးက ၁ဝဝကျပ်တောင်(ထိုင်ဝမ်ငွေ) မပြည့်ခဲ့ပေမယ့် ပေါင်မုန့်အထုပ် ၄ဝဝ ရခဲ့တယ်။ (တစ်ထုတ်ကို ၂၅ဆင့် မကျခဲ့ဘူး) နောက်ပြီး ငွေတစ်ရာနဲ့ နေ့စဉ် အသုံးအဆောင်တစ်ချို့ ဝယ်လိုက်တယ်။

ပေါင်မုန့်၊ အသုံးအဆောင် အပြည့်တင်ထားတဲ့ ကားနဲ့ လမ်းပေါ်မှာတွေ့တဲ့ မသန်မစွမ်း ကလေးငယ်တွေကို သူဝေမျှပေးလိုက်တယ်။ ကလေးတွေက ဝမ်းသာအားရ သူ့ကို အလေးပြန်ပြုခဲ့တယ်။ ၂၅ဆင့်တောင် တန်ဖိုးမရှိတဲ့ ပေါင်မုန့်တစ်ချပ်အတွက် လူတစ်ချို့က ဘာဖြစ်လို့ ဒီလောက်ပျော်ရွှင်ရတယ် ဆိုတဲ့ ခံစားချက်ကို သူပထမဆုံး ခံစားလိုက်မိတယ်။

"ငါဟာ ကံကောင်းတဲ့လူ၊ ငါ့ခန္ဓာကိုယ်က မချွတ်မယွင်း ပြည့်စုံနေတယ်။ အလုပ်ရှိတယ်။ မိသားစုရှိတယ်။ စားစရာတွေကို ကြိုက်တယ်၊ မကြိုက်ဘူးလို့ ဂျီးများဖို့ အခွင့်အရေးရှိတယ်။ ဝတ်ဖို့ အဝတ်အစားရှိတယ်။ ဒီကလူတွေ မရှိတာတွေကို ပိုင်ဆိုင်ဖို့ ငါ့မှာ အခွင့်အရေး ရှိခဲ့တယ်" လို့ သူရေရွတ်ခဲ့မိတယ်။

မိတ်ဆွေရဲ့ အဖြစ်အပျက်ကို နားထောင်ပြီး ကျွန်တော်ခံစားကြည့်တယ်။ တွေးကြည့်တယ်။ "ငါ့ဘဝ တကယ်ပဲဆိုးသလား? ဆိုးရင်လဲ ဆိုးခဲ့နိုင်တယ်။ ဒါပေမယ့် ဒီပုံပြင်ကိုနားထောင်ပြီး ငါ့ဘဝ ဒီလောက်မဆိုးတော့ဘူး။ ခင်ဗျားရော?

ဒါမှမဟုတ် ငါ့ဘဝ ကံဆိုးလိုက်တာလို့ နောင်တစ်ချိန်ချိန်မှာ ခင်ဗျားထင်ခဲ့တဲ့တစ်နေ့ လမ်းပေါ်မှာ တောင်းရမ်းစားဖို့ လက်တစ်ဖက် ဆုံးရှုံးရတဲ့ ကလေးငယ်ကို တွေးမြင်ကြည့်လိုက်ပါ။

"ကျေနပ်တယ်၊ ပြည့်စုံတယ်" ဆိုတာ ကိုယ်လိုချင်တာကို ရသွားလို့ မဟုတ်ဘူး။ ရှိတာနဲ့ ရောင့်ရဲတင့်တိမ် နေတာဖြစ်တယ်။

မူရင်း.... ထိုင်ဝမ် စာရေးဆရာ Hong Wen Yong (候文詠) ၏ "ဘဝ" အား ဘာသာပြန်ခံစားသည်။

နိုင်းနိုင်းစနေ
To Continue Reading

Zawgyi-One Font

ကိုညီလင်းဆက်ရေးသားသော "Why Zawgyi was awarded 2007 MCPA Excellent Award?" ကိုပြန်လည်ဖော်ပြခြင်း ဖြစ်ပါတယ်။

2007 MCPA Excellent Award ကို ဇော်ဂျီမြန်မာစာရိုက် စနစ်က ရရှိပါတယ်။ ပိုက်ဆံအနေနဲ့ မဟုတ်ပေမယ့် ဂုဏ်သိက္ခာအားဖြင့် ရှိတယ်လို့ ကျွန်တော် ယူဆပါတယ်။ ဇော်ဂျီကို ဒီပွဲအတွက် nominate စလုပ်ခဲ့တာ ကျွန်တော်ပါ။ တကယ် ရသင့်လို့ ရခဲ့တာလို့လည်း ကျွန်တော် ယုံကြည်ပါတယ်။ ဘာဖြစ်လို့လည်း ဆိုတာ ကျွန်တော် ရှင်းပြပါမယ်။ ဇော်ဂျီ စထွက်လာကတည်းက ကျွန်တော် သုံးစွဲလာခဲ့တယ်။ ဘလော့ဂ်တွေမှာ မြန်မာလို ရေးဖို့ရာ အခြားသော ယူနီကုဒ်စနစ် များစွာနဲ့ စမ်းသပ်ကြည့်ခဲ့ပေမယ့် ဇော်ဂျီလို အဆင်မပြေတာကြောင့် ဒါကိုပဲ ဆက်လက် သုံးစွဲခဲ့ပါတယ်။ ဒါပေမယ့် ကျွန်တော်တို့ ဘလော့ဂါတွေ ဒါနဲ့ အများကြီး ရေးပြီးကာမှ ပိုက်ဆံနဲ့ ရောင်းမယ်ဆိုရင် ဒုက္ခပဲ ဆိုပြီး မူဝါဒကို စုံစမ်းကြည့်တဲ့အခါ စီးပွားဖြစ် လုပ်နေကြတဲ့ အရာတွေ အားလုံးထဲမှာ ဇော်ဂျီဟာ အမြဲတမ်း အခမဲ့ ပေးသုံးမယ် ဆိုပြီး ကြေညာချက် ထုတ်ပေးခဲ့ပါတယ်။ ကျွန်တော်ကိုယ်တိုင်က မြန်မာယူနီကုဒ်တွေ၊ ဘာကုဒ်တွေ၊ ညာကုဒ်တွေကို စိတ်ဝင်စား လေ့လာသူမို့ ဇော်ဂျီဟာ ယူနီကုဒ်စနစ် အပြည့်အဝ မဟုတ်ဘူးဆိုတာ သိပါတယ်။ ဒါပေမယ့် တချိန်တည်းမှာပဲ ဇော်ဂျီကနေ နောင်တချိန် မြန်မာယူနီကုဒ် စစ်စစ် ဖြစ်လာတဲ့အခါ အလွယ်တကူ ပြောင်းလဲလို့ ရတယ် ဆိုတာကို သိလာတဲ့အခါ အဲဒီအတွက် ပူပန်မှု မရှိတော့ပါဘူး။ ဒါကြောင့် ကျွန်တော့်ရဲ့ ပရောဂျတ်တွေကို မြန်မာ၂၊ မြန်မာ၃ ယူနီကုဒ်တွေအစား ဇော်ဂျီနဲ့သာ ဆောင်ရွက်ခဲ့တယ်။ ဘလော့ဂ်တွေမှာလည်း ဇော်ဂျီနဲ့ပဲ ရေးသားဖို့ အကြံပြုခဲ့တယ်။ အကျိုးကျေးဇူးကို ပြောပြပါမယ်။ ၂၀၀၅ ခုနှစ်မှာ အင်တာနက်ပေါ်မှာ မြန်မာစာနဲ့ ရေးသားတဲ့ ဘလော့ဂ်တွေ၊ ဝဘ်ဆိုဒ်တွေ၊ ရီဆိုစ့်တွေဆိုတာ လက်ချိုးရေလို့ ရပါတယ်။ အခု နှစ်နှစ်အတွင်းမှာတော့ အများကြီး ဖြစ်လာပါပြီ။ ကျွန်တော်တို့ အားလုံးက စံတစ်ခုကို စနစ်တကျ လက်ခံကျင့်သုံးဖို့ လိုပါလိမ့်မယ်။ အဲဒါဆို နောင်တစ်ချိန်မှာ ဘာပြောင်းချင် ပြောင်းချင် ပြောင်းလို့ လွယ်ကူပါတယ်။ နောက်တစ်ခုက ပြည့်စုံတဲ့ ယူနီကုဒ်စနစ်ကို မရောက်သေးလို့ အလုပ်တွေကို မလုပ်နိုင်ဘူး ရပ်ထားရမယ်ဆိုရင် ကျွန်တော်တို့ ဘာအလုပ်မှ ဖြစ်လာမှာ မဟုတ်ပါဘူး။ အချိန်တွေပဲ ကုန်သွားမယ်။ အခုတော့ ဇော်ဂျီကြောင့် အင်တာနက်မှာ မြန်မာလို ရှာဖွေလို့ ရလာပြီ။ အရင်က ပျင်းစရာကောင်းတဲ့ မြန်မာအင်တာနက် လောကကြီးဟာ တဟုန်ထိုး ဖွံ့ဖြိုးလာတယ်။ ဇော်ဂျီကြောင့် ဂျီတော့ခ်မှာ မြန်မာအချင်းချင်း မြန်မာလို ပြောဆိုလို့ ရလာတယ်။ တချို့လည်း ဇော်ဂျီစနစ်ဟာ မကောင်းဘူး ဘာညာပြောနေပေမယ့် ဂျီတော့ခ်ထဲကျတော့ ဇော်ဂျီနဲ့ စာရိုက်ရတဲ့ အထိ ဖြစ်လာတယ်။ မိုက်ခရိုဆော့ဖ်ဝါဒ် အထဲမှာ စာရိုက်တဲ့အခါ ဇော်ဂျီကိုသာ အသုံးပြုလာကြတယ်။ Search Engine တွေကအစ ဂရုပြုလာကြပါတယ်။

ဇော်ဂျီကို အမည်မဖော်လိုတဲ့ ပညာရှင် ငါးဦးက ၂၀၀၅လောက်မှာ အခြားသူများနဲ့ ဖိုက်တင်ပလေးပြီး လုပ်ခဲ့တာပါ။ နောက်ပိုင်းလည်း အသုံးပြုသူတွေ ထောက်ပြတဲ့ အားနည်းချက်တွေကို ပြန်လည် ပြုပြင် ဖြည့်စွက်ပေးခဲ့ပြီး အသုံးပြုသူတွေကို ကူညီခဲ့ပါတယ်။ ဒါတင်မက ဇော်ဂျီကို ဘယ်သူမဆို ပိုကောင်းအောင် ပြုပြင်နိုင်တယ်ဆိုပြီး Source တွေကို ချပေးခဲ့ပါတယ်။ ဒါကြောင့် ဇော်ဂျီဟာ နှစ်နှစ်အတွင်းမှာ တဟုန်ထိုး အောင်မြင်ခဲ့ပြီး အသုံးပြုသူ ယူဇာ အများအပြားကိုလည်း ဆွဲဆောင်နိုင်ခဲ့ပါတယ်။ ဇော်ဂျီကြောင့် မြန်မာအင်တာနက်လောက အခုအခြေအနေ ရောက်လာတယ် ဆိုရင်လည်း မမှားပါဘူး။ ဇော်ဂျီ ဖန်တီးသူတွေနဲ့ ကျွန်တော်ဟာ ရင်းနှီးသိကျွမ်းလို့ ထောက်ခံတာမျိုးတော့ မဟုတ်ပါဘူး။ သူ့ကြောင့် ရလာတဲ့ ရလဒ်တွေက ကျွန်တော်တို့ဆီမှာ သက်သေအနေနဲ့ ရှိတယ်။ သူတို့ရဲ့ ရည်ရွယ်ချက်ကိုလည်း ကျွန်တော် သိနေတာမို့ အခုလို ဆုရတာကို ထိုက်တန်တယ်လို့ ဆိုတာပါ။ နောင်တချိန် မိုက်ခရိုဆော့ဖ်ကသာ ဇော်ဂျီကို Language Pack တစ်ခုအနေနဲ့ သဘောထားပြီး လက်ခံခဲ့မယ်ဆိုရင် ကျွန်တော်တို့အားလုံး ဝင်းဒိုးစ် သုံးတာနဲ့ မြန်မာဖောင့် လွယ်လွယ်ကူကူ ရိုက်လို့ရတော့မှာပါ။ နောက်ဆုံး သတင်းများအရ ဇော်ဂျီအတွက် မတူညီတဲ့ ဖောင့်ပုံစံ သုံးခု အသစ်ထုတ်ဖို့ ရှိပါတယ်။ ဒါ့အပြင် ဇော်ဂျီနဲ့ သက္ကတတွေ၊ ပါဠိတွေ၊ မွန်စာတွေ၊ ကရင်စာတွေကိုလည်း ရိုက်နိုင်တော့မှာ ဖြစ်ပါတယ် ခင်ဗျား။ To Continue Reading

ကိုယ့်ကိုယ်ကို မကန့်သတ်ပါနဲ့

"ဒါကိုငါလုပ်နိုင်မှာ မဟုတ်ဘူး"ဆိုတဲ့ စကားဟာ "နံရံ" ဖြစ်ပါတယ်။လေးဘက်လေးတန် နံရံကြီးဖြစ် ပါတယ်။ ဒီနံရံကို ကိုယ်ကိုယ်တိုင်တည်ဆောက်လိုက်တာပါ။ Mindset တစ်ခုသာ ဖြစ် ပါတယ်။ အပျက်သဘောနဲ့ ကိုယ့်ကိုယ်ကိုယ် ကန့်သတ်လိုက် တာပါ။မကန့် သတ်ပါနဲ့ (မလုပ်နိုင်ပါဘူး။ လုပ်ရင်လဲဖြစ်မှာ မဟုတ်ဘူး) ဆိုတာ ကိုယ့်စိတ်ကို ကန့်သတ်လိုက် တာပါ။ ကန့်သတ်လိုက်တာနဲ့ တပြိုင်နက် ဟိုတုန်းကကျရှုံးခဲ့တာတွေကိုပဲ ပြန်တွေးမိလျက်သားဖြစ်သွားမှာပါ။
စာရေးဆရာဖြစ်ချင်ပေမယ့် ငါစာမရေးတတ်ပါဘူးလို့တွေးပြီး ဘာမှမရေးဖြစ်တဲ့လူတွေအပုံကြီးပါ။ English, Computer Technology, Medicine, Foreign Languauges စတဲ့ကျွမ်းကျင်မှုဆိုင်ရာတွေ လေ့လာတော့မယ်ဆိုရင် ကိုယ့်ထက်ပိုတော်တဲ့လူတွေကြည့်ပြီး "ငါကသူ့ လိုမတော်ဘူး၊ ဖြစ်မှာမဟုတ်ပါဘူးလို့" အားလျှော့ပြီး ဆက်မလုပ်ဖြစ်တာပါ။ အဲလိုလူတွေရှိတယ်ဆိုရင် အထိရောက်ဆုံးအကြံပေးပါရစေ။ "ကိုယ်လုပ်မယ့်ပညာရပ်(သို့မဟုတ်) အလုပ် " ကိုစိတ်ဝင်စားမှုအပြည့်နဲ့ တတ်မြောက်ချင်တယ်ဆိုတဲ့ထက်သန်စိတ်နဲ့ လူတိုင်းမွေးတည်းက မတတ်ဘူး၊ သူများလုပ်နိုင်ရင် ငါလဲလုပ်နိုင်ရမယ်ဆိုပြီး ဇွဲ ရှိရှိ ကြိုးစားပါ "။
နောက်တစ်ခုက ကျွန်မကို လူတစ်ယောက်ကပြောဘူးတယ်။ "လောကမှာကိုယ့်ရဲ့စွမ်းအင်တွေ ကိုနှိမ်ထားတာ တစ်ယောက်ပဲရှိတယ်တဲ့၊ အဲဒါ မိမိကိုယ်တိုင်ပါပဲ "တဲ့။ စိတ်စေရာ ဖြစ်နေ၊ လှုပ်ရှားနေရတဲ့ လူ့ ဘ၀မှာကိုယ့်ရဲ့စိတ်စွမ်းအင်ကို ကောင်းကောင်းအသုံးချနိုင်တဲ့လူက တစ်နေ့မှာ သူဖြစ်ချင်တာတွေ ဖြစ်လာမှာပါ။
အကြောင်းပြချက်တွေအမျိုးမျိုးပေးပြီး ကိုယ့်ကိုယ်ကိုယ် ကန့်သတ်နေတာဟာ မိမိကိုယ်ကိုယ် ပြန်နှိပ်စက်နေ သလိုဖြစ်ပါလိမ့်မယ်။ To Continue Reading

About me

I am just a normal female who is having an ordinary life. I think I dont have many things to tell about me.

• I have one elder brother and one younger sister.


• passed 10th Std exam in 2000 from St.Augustine (B.E.H.S(2)Kamayut);


• Received B.C.Tech degree from UCSY in 2005 June (UCSY's 7th Graduation Ceremony);


• Received M.C.Tech degree from UCSY in 2009 Feb, (UCSY's 11th Graduation Ceremony);


• Worked @ Myanmar Teleport Co.,Ltd ( formerly known as BaganNet) as an ICT engineer (from 01 September 2007 to 30 June 2009)


• Received second master degree from NTU in 2011.
• Currenty working in Singapore as a support engineer at a MNC ( 01 Jun 2011 to present).

My hobbies 
In my leisure time, I love to read and write, listen to music, cook, watch movies, hang out with freinds, go shopping or take a nap. :)
My main aim in life is to succed in life in a balanced way 


for visiting my blog and reading my posts (^_^)

To Continue Reading

ပြောဖို့ ခက်ပါတယ်

ပြောဖို့ ခက်ပါတယ်

တရံရောအခါက ဘုရင်ကြီးတစ်ပါးရှိသတဲ့။ ဘုရင်ကြီးရဲ့ ဘေးနားမှာ သက်တော်စောင့်တွေ အများကြီး ရှိတဲ့ အထဲမှာမှ တစ်ယောက်ကို သူ့ရဲ့ အပါးတော်မြဲ အနေနဲ့ ခန့်အပ်ထားသတဲ့။ သဘောက ဘုရင်ကြီးရဲ့ အနားမှာ ထပ်ကြပ်မကွာ အမြဲနေခွင့်ရသပေါ့ကွယ်။ ဘယ်သွားသွား၊ ဘယ်လာလာပေါ့။ သူဟာ ပညာလည်းရှိတယ်၊ ဘုရင်ကြီးကိုလည်း အကြံကောင်း ဉာဏ်ကောင်းတွေ ပေးတတ်တော့ ရှင်ဘုရင်က သဘောတော်ခွေ့တာပေါ့ကွယ်။ ဒါကြောင့်လည်း ဘယ်သွားသွား ခေါ်သွားသတဲ့။တစ်နေ့တော့ ရှင်ဘုရင် မွေးထားတဲ့ ခွေးဟာ ဘုရင်ကြီးရဲ့ လက်ညိုးကို ကိုက်လိုက်သတဲ့။ နောက်နေ့တွေတော့ လက်ညိုးဟာ ရောင်ကိုင်းပြီး အနာလည်း အတော်လေး ရင်းလာတယ်။ ဘုရင်ကြီးက သူ့ အပါးတော်မြဲကိုမေးတယ်။" မောင်မင်း၊ ငါကိုယ်တော်မြတ် မွေးတဲ့ခွေးက ငါ့ကို ပြန်ကိုက်တယ်ဆိုတော့ ဒါ မကောင်းတဲ့ အတိတ်နိမိတ်ပဲ မဟုတ်လား" တဲ့။"ကောင်းသလား၊ ဆိုးသလား ဆိုတာ ပြောဖို့ခက်ပါတယ် အရှင်မင်းကြီး" လို့ အပါးတော်မြဲက ပြန်ဖြေတယ်။နောက်တော့ လက်ညိုးရဲ့ အနာက အခြေအနေ အတော်လေးဆိုးလာတော့ ဘုရင်ကြီးဟာ သူ့ရဲ့ လက်ညိုးကို ဖြတ်ပစ်လိုက်ရတယ်။"ဟယ် ငါ့ကိုယ်တော်ရဲ့ လက်ညိုးတော် ဖြတ်ပစ်လိုက်ရပြီ။ ဒါ မကောင်းတဲ့ လက္ခဏာပဲ၊ မောင်မင်း။ ဘယ်လို အဆိုးတွေများ ကြုံလာဦးမလဲ မသိဘူး။ လျှောက်စမ်းပါဦး" လို့ ဘုရင်ကြီးက သူ့ အပါးတော်မြဲကို အကြံဉာဏ်တောင်းသတဲ့။"ကောင်းသလား၊ ဆိုးသလား ဆိုတာ ပြောဖို့ခက်ပါတယ် အရှင်မင်းကြီး" လို့ပဲ အပါးတော်မြဲက ထပ်ဖြေလိုက်တယ်။ လက်ညိုးတော် ပြတ်လို့ စိတ်တိုနေရတဲ့ကြားထဲ ဒီကောင်က အခုထိ စကားအကောင်းမပြောဘူးဆိုပြီး ဘုရင်ကြီးက အတော်လေးတင်းသွားတယ်။ ဒါနဲ့ အဲ့ဒီ အပါးတော်မြဲကို ထောင်ချပစ်လိုက်တယ်။တစ်နေ့တော့ ဘုရင်ကြီးဟာ တောထဲကို အမဲလိုက်ထွက်သတဲ့။ စာစကားနဲ့ဆို တောကစားထွက်တာပေါ့ ။ သမင်ကို သဲကြီးမဲကြီး လိုက်ဖို့ပဲ အားသန်နေတော့ တစ်ယောက်တည်း လိုက်ရင်းလိုက်ရင်းနဲ့ပဲ တောဖွက်ခံလိုက်ရတယ်။ တောထဲမှာ လမ်းပျောက်သွားတယ်။ ဆက်သွားလေ တောနက်လေ ဖြစ်နေတယ်။ ကံများ ဆိုးချင်တော့ တောထဲမှာ နေကြတဲ့ လူရိုင်းတွေဟာ သူ့ကို တွေ့ပြီး ဖမ်းသွားတယ်။ သူတို့ကတော့ ဘုရင်မှန်း ဘယ်သိမှာလဲ။ လူရိုင်းဆိုတော့လည်း ဘုရင်ဆိုတာ ဘာကောင်မှန်းတောင် သိမှာ မဟုတ်ဘူး။ သူတို့ရဲ့ ဓလေ့က လူတစ်ယောက်ယောက် ဖမ်းပြီး နတ်ဘုရားကို ယဇ်ပူဇော်ရတယ်။ ယဇ်ပူဇော်ဖို့ သတ်မယ်လို့ ကြံရွယ်နေတုန်းမှာပဲ သူတို့ရဲ့ အကြီးအကဲ သတိထားမိသွားတာက ဘုရင်ကြီးမှာ လက်ညိုးတစ်ချောင်းမပါဘူး ဆိုတာပဲ။ အင်္ဂါမစုံတဲ့ လူတစ်ယောက်ကို ယဇ်ပူဇော်ရင် နတ်ဘုရားက စိတ်တိုလိမ့်မယ်ဆိုပြီး ဘုရင်ကြီးကို ပြန်လွှတ်ပေးလိုက်တယ်။ ဘုရင်ကြီး နန်းတော်ကို ပြန်ရောက်တော့ သူ့ အပါးတော်မြဲ ပြောတဲ့ "ကောင်းသလား၊ ဆိုသလား ပြောဖို့ခက်ပါတယ်" ဆိုတဲ့ စကားကို သွားသတိရတယ်။ အကယ်၍သာ သူ လက်ညိုး မပြတ်ခဲ့ဘူးဆိုရင် တောထဲမှာ ယဇ်ပူဇော်ခံရလို့ သေပြီလေ။ဒါနဲ့ ပညာရှိလေး အပါးတော်မြဲကို ပြန်လွှတ်ပေးဖို့ အမိန့်ပေးလိုက်တယ်။ နောက်ပြီး ဘုရင်ကြီးက စိတ်လိုက်မာန်ပါ လုပ်မိတဲ့အတွက် သူ့ကို တောင်းပန်စကား ပြောတော့တယ်။ စိတ်မကောင်းတဲ့ မျက်နှာနဲ့ တောင်းပန်စကားပြောနေတဲ့ ဘုရင်ကြီးကို စိတ်တစ်ချက်မကွက်ဘဲ "အရှင်မင်းကြီး အခုလို ဖမ်းထားတာ ကျွန်တော်မျိုးအတွက် အကျိုးယုတ်တဲ့ ကိစ္စတော့ မဟုတ်ပါဘူး ဘုရား" လို့ လျှောက်တင်လိုက်တယ်။ဒီစကားကို ကြားရတော့ ဘုရင်ကြီး အတော်လေး အံ့အားသင့်သွားတယ်။ ဘာကြောင့်ပါလိမ့်လို့လဲ အတော်လေး စဉ်းစားရခက်သွားတယ်။ အပါးတော်မြဲက သူ အဖမ်းခံထားရတာ အဆိုးချည်း မဟုတ်ပါဘူးလို့ ဘာလို့ ပြောတာလဲ။ဒီလိုလေ။ အကယ်၍သာ ဘုရင်ကြီးက အပါးတော်မြဲကို ချုပ်နှောင်မထားဘူးဆိုရင် အခုလို တောကစားထွက်တော့ သူလည်း ဘုရင်ကြီးနဲ့အတူ ထပ်ကြပ်မကွာ လိုက်ပါရမှာပေါ့။ ဘုရင်ကြီးကို ယဇ်ပူဇော်ဖို့ မသင့်လျော်ဘူးလို့ လူရိုင်းတွေက ဆုံးဖြတ်လိုက်တာနဲ့ နောက်တစ်ယောက်ခေါ်ပြီး သတ်မှာပဲ။ ဒါဆို အပါးတော်မြဲ အလှည့်လေ။ သူသာ ဘုရင်ကြီးနဲ့ လိုက်သွားခဲ့ရင် အသက်ခံရမှာတော့ မုချမသွေပါပဲ။ပုံပြင်လေးကတော့ ဒါပါပဲ။

ပုံပြင်လေးရဲ့ အနှစ်သာရ
ဒီလောကမှာ ဖြစ်ပျက်နေတဲ့ အရာမှန်သမျှကို ဒါအကောင်းပဲ၊ ဒါအဆိုးပဲလို့ တရားသေ သက်မှတ်လို့ မရကောင်းပါဘူး။ တခါတလေမှာ အကောင်းတွေဆိုပြီး ဆုတ်ကိုင်ထားတဲ့ အရာတွေဟာ ကံကြမ္မာ အလှည့်အပြောင်းကြောင့် အဆိုးတွေ ဖြစ်သွားတတ်ပါတယ်။ကံကောင်းတာတွေ ကြုံလာတိုင်းမှာ ကျေကျေနပ်နပ်ကြီး ခံစားလိုက်ပါ။ ဒါပေမယ့် အတင်းအကျပ်ကြီး ဖက်တွယ် မထားပါနဲ့။ အသက်ရှင်နေတုန်းမှာ ကြုံကြိုက်ခွင့်ရတဲ့ ဆုလဒ်တစ်ခုအနေနဲ့ ခံယူလိုက်ပါ။ အဆိုးတွေ ကြုံလာခဲ့ရင်ကော။ သိပ်ဝမ်းနည်း ပူဆွေးမနေပါနဲ့။ အပြစ်ဒဏ် ချမှတ်ခံနေရတယ်လို့ ယူဆနေမယ့်အစား လောကဓံကို ခံနိုင်ဖို့ စခန်းသွင်း လေ့ကျင့်နေတယ်လို့ မှတ်ယူလိုက်ပါ။ တကယ်တမ်းတော့ အဲ့ဒီလောက်ကြီး မဆိုးရွားဘူးဆိုတာ သိလာပါလိမ့်မယ်။အဲဒီလို ခံယူနိုင်တဲ့ လူတစ်ယောက်ရဲ့ ဘ၀ဟာ အများကြီး ပေါ့ပါးလွတ်လပ်နေပါလိမ့်မယ်။လူတစ်ယောက်ဟာ ပြီးပြည့်စုံဖို့ဆိုရင် မိတ်ဆွေစစ်၊ မိတ်ဆွေမှန် တကယ် လိုအပ်ပါတယ်။ ကိုယ့်ကို နားလည်ပေးမယ်။ ချစ်ခြင်းမေတ္တာတွေ မျှဝေခံစားမယ်။ ၀မ်းနည်းမှုတွေကို အတူတကွ ကျော်လွှားမယ်။ ဘ၀တစ်လျှောက်လုံး ကိုယ့်ဘက်က ရပ်တည်ပေးမယ်ဆိုတဲ့ မိတ်ဆွေစစ်တွေ တကယ့်ကို လိုအပ်တာပေါ့။ မိတ်ဆွေစစ်ဆိုတဲ့ အထဲမှာ မိဘ၊ ဆရာသမား၊ သူငယ်ချင်း၊ ချစ်သူ နဲ့ ဘ၀လက်တွဲဖော် တွေ ပါပါတယ်။ မိတ်ဆွေစစ်တွေဟာ အမြဲ မှန်လိမ့်မယ်လို့တော့ သင် မမျှော်လင့်လိုက်ပါနဲ့။ အမှားလည်း ရှိနိုင်ပါတယ်။ ဒါပေမယ့် သေချာတာကတော့ မှားပါစေတော့လို့ သူတို့ ရည်ရွယ်ခဲ့မှာ မဟုတ်ဘူး။


As I got this story from a forward mail, I dont really know the original writer. But, I do appreciate with his/her idea and I want to share this with all of you ! To Continue Reading